Badi'

Badi' dikaw enggomon Sama untuk binoo kerejo meranau antawa betonomon gulay. Amun benoo meranau badi' tu pengerumput paray antawa sibor. Amun benoo betenomon gulay, badi' tu pinakay pengurik tana' tonom bigi antawa pengerumput. Badi' tu ben moto entekook ni guno penusu' tana'. Amun guuk, pida' engko' beladaw dikaw jo moto ni, badi duo moto ni. Badi' tu lentik kuanan pinakay le' jomo kerejo makay tangan kuanan engko lentik gibang pinakay le' jomo kerejo makay tangan gibang. Badi' tu ben ulu tapi nya ben sarung.